ಹಣ ನಿಮ್ಮದು, ಜಾಗ ನಿಮ್ಮದು
ನಾವ್ ಕಟ್ಟಿ ಮುಗಿಸಿದ ಮನೆ ನಿಮ್ಮದು
ಬಿಟ್ಟು ಕೊಟ್ಟು ಹೊರಟಿಹೆವು ನಾವು
ಇನ್ನೊಬ್ಬರಿಗೆ ಕಟ್ಟಲು ಹೊಸ ಸೂರನು
ವರ್ಷಕ್ಕೊಂದು ಮನೆ ಕಟ್ಟುವೆವು ನಾವು
ನಮಗಿಲ್ಲ ನಮ್ಮದೇ ಆದ ನೆಲೆಯು
ಊರೂರ ಸುತ್ತಿಸುವನು ಅವನು
ಅವನಿಗಿಲ್ಲೆಮ್ಮ ಮೇಲೆ ಕರುಣೆಯು
------------<>------------
ಬಲ್ಯದಾ ನೆನಪುಗಳ
ಬುತ್ತಿಯಾ ಕಟ್ಟಿ ಕೊಂಡು
ಹುಟ್ಟೂರಿನಾ ಋಣವ ತೀರಿಸಿ
ಹೊರಟಿಹೆವು ನಾವು
ಹೊಸ ಜೀವನದ ಆಸೆ
ಹೊಸ ಕನಸ ಹೊತ್ತು
ಸಾಗಿಹುದು ಬಂಡಿ
ಹೊಸ ಊರಿಗೆ
(ಚಿತ್ರ: 3K - ಕನ್ನಡ ಕವಿತೆ ಕಥನ)
No comments:
Post a Comment